SÍMI: 690 0728
NETFANG: info@GobbiGobb.is
Sumarnámskeið 2026
Í sumar erum við með þrennskonar námskeið. Hefðbundið Sveitanámskeið, Sveitanámskeið II, sem eru sjálfstæð framhaldsnámskeið fyrir þau sem hafa komið áður, og tveggja daga heilsdags námskeið.
Inntak námskeiðanna er leikur, gleði og nánd við náttúruna og dýrin.
Á hvert námskeið komast aðeins 10 krakkar.
Á bænum okkar eru hestar, hænur og hænuungar, hundar og kettir. Við búum líka svo vel að hafa fjöruna í bakgarðinum og nýtum okkur það.
Umsjónarmaður námskeiðanna er Sjöfn Þórarinsdóttir tómstundafræðingur. Yfir vetrarmánuðina er hún starfandi æskulýðsfulltrúi í Selfosskirkju en á sumrin á GobbiGobb hug hennar allan.
Sveitanámskeið
Sveitanámskeiðið er svo sannarlega búið að festa sig í sessi og mörg börn líta á það sem ómissandi hluta af sumrinu að koma á Sveitanámskeið GobbiGobb.
Á námskeiðinu lærum við að umgangast hestana, kembum þeim og klöppum. Setjumst jafnvel á bak og förum nokkra hringi í gerðinu.
Fjaran er líka stór partur af námskeiðinu og það er mjög vinsælt að fara niður í fjöru að veiða hornsíli eða vaða. Auk þess þá förum við í allskonar leiki og gerum eitt og annað skemmtilegt. Í lok námskeiðsins förum við í ratleik og grillum sykurpúða.
Námskeiðið eru frá mánudegi til föstudags frá kl. 9:00-12:00.
Eftirfarandi námskeið eru í boði sumarið 2026.
22. - 26. júní - frá 9:00-12:00
29. - 3. júlí - frá 9:00-12:00
13. - 17. júlí - frá 9:00-12:00
Verð 20.000 kr.
Hægt er að nýta frístundastyrk Árborgar fyrir þetta námskeið.
Sveitanámskeið 2
Sveitanámskeið 2 er sjálfstætt framhaldsnámskeið.
Athugið að krakkarnir eru velkomnir á sveitanámskeið II þó þau hafi ekki komið áður á sveitanámskeið til okkar.
Það byggir á sama grunni og hefðbundið sveitanámskeið; útivera, tengsl við náttúruna, og hestana eru stærstu þættir námskeiðsins. En við verðum einnig með ný verkefni og leiki fyrir krakkana að takast á við.
Námskeiðið er frá mánudegi til föstudags.
Eftirfarandi námskeið eru í boði sumarið 2026.
6. - 10 júlí - frá 9:00-12:00
20. - 24. júlí - frá 9:00-12:00
10. - 14. ágúst - frá 9:00-12:00
Verð 20.000 kr.
Hægt er að nýta frístundastyrk Árborgar fyrir þetta námskeið.
Tveggja daga heilsdags Sveitanámskeið
Í ár ætlum við að bjóða upp á þá nýlundu að vera með tveggja daga heilsdags námskeið. Námskeiðið er frá kl. 9:00-16:00.
Eins og alltaf verða útivera, tengsl við náttúruna og dýrin, og hestarnir stærstu þættir námskeiðsins. Í bland við leiki, glens og skemmtileg verkefni. Tímasetning námskeiðanna gefur okkur tækifæri á að rannsaka umhverfið meira og fara í lengri skoðunarferð um næsta nágrenni.
Eftirfarandi námskeið eru í boði sumarið 2026.
15.-16. júní - frá 9:00-16:00 - FULLT -
18.-19. júní - frá 9:00-16:00
Verð 18.700 kr.
Hægt er að nýta frístundastyrk Árborgar fyrir þetta námskeið.
15. - 16. júní
9:00-16:00
Smáa letrið
Allir þurfa að hafa með sér létt nesti og koma hlýlega klæddir, hafgolan getur verið köld þó það sé sumar. Pollaföt eða utanyfirbuxur eru einnig hið mesta þarfaþing. Stígvél eru eðal skóbúnaður í sveitastússið og gott er að vera með buff til að nota undir reiðhjálmana.
Veittur eru 10% systkinaafsláttur.
Vinsamlegast skrifið í athugasemd við skráningu ef um systkini er að ræða og þið fáið sendan greiðslulink með afslættinum.
Ekki er hægt að samnýta afslætti.
Ef færri en fimm þátttakendur eru skráðir á námskeið áskilum við okkur rétt til að fella námskeiðið niður og námskeiðsgjaldið verður endurgreitt.
Leiðbeiningar vegna frístundastyrks
Hægt er að nýta frístundastyrk Árborgar fyrir sveitanámskeiðunum.
Til að nýta frístundastyrkinn þarftu að skrá nafn þátttakanda á greiðslusíðuna og óska eftir rafkvittun í tölvupósti.
Kvittunina sendiru svo áfram á fristundastyrkur@arborg.is og óskar eftir endurgreiðslu.